Господи, Иисусе Христе, Сыне Божий, молитв ради Пречистая Твоея Матере и всех святых, помилуй нас. Аминь.
Царю Небесный, Утешителю, Душе истины, Иже везде сый и вся исполняяй, сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Спаси, Господи, люди Твоя и благослови достояние Твое; победы православным Христианом на сопротивныя даруя, и Твое сохраняя Крестом Твоим жительство.
Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная лукавая и хульная помышления от окояннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний, и предприятий и от всех действ злых свободи мя. Яко благословена еси от всех родов, и славится иречестное имя Твое во веки веков. Аминь.
Все святии Небесные бесплотные Силы, удостойте меня вашей силы сокрушать все зло и страсти под ноги мои. Святии Бесплотные Серафимы, удостойте меня иметь пламенеющее сердце к Богу. Святии Бесплотные Херувимы, удостойте меня иметь премудрость для славы Божией. Святии Бесплотные Престолы, удостойте меня различать истину от неправды. Святии Бесплотные Господства, удостойте меня господствовать над страстями, чтобы дух поработил плоть. Святии Бесплотные Силы, удостойте меня иметь мужество в исполнении воли Божией. Святии Бесплотные Власти, удостойте меня иметь силу победы над злом. Святии Бесплотные Начала, удостойте меня служить Господу Богу в непорочности сердца и дел рук моих. Святии Бесплотные Архангелы, удостойте меня исполнять волю Господа нашего Иисуса Христа. Святии Бесплотные Ангелы, удостойте меня руководствоваться над немощными в просвещении их в истине. Аминь.
Ангеле Божий, хранителю мой святый, на соблюдение мне от Бога с небесе данный, прилежно молю тя; ты мя днесь просвети, и от всякаго зла сохрани, ко благому деянию настави и на путь спасения направи. Аминь.
Моли Бога о мне, святый (святая) угодниче Божий (угоднице Божия) (имя), яко аз усердно к тебе прибегаю, скорому помощнику и молитвеннику (скорой помощнице и молитвеннице) о душе моей. Аминь.
К Тебе, Владыко, Человеколюбче, от сна, востав, прибегаю, и на дела Твоя подвизаюся милосердием Твоим, и молюся Тебе: помози ми на всякое время во всякой вещи, и избави мя от всякия мирския злыя вещи и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю ныне, и присно, и во веки веков. Аминь.
Спаси, Господи, и помилуй отца моего духовнаго (имя его), родителей моих (имена их), сродников, наставников и благодетелей, и всех православных христиан. Аминь.
Очи всех на Тя, Господи, уповают, и Ты даеши им пищу во благовремении: отверзаеши Ты щедрую руку Твою и исполнявши всякое животно благоволения. Аминь.
Благодарим Тя, Христе Боже наш, яко насытил еси нас земных Твоих благ; не лиши нас и Небеснаго Твоего Царствия. Но яко посреде учеников Твоих пришел еси, Спасе, мир даяй им, прииди к нам и спаси нас. Аминь.
